काठमाडौं । आज शेयर बजार दोहोरो अंकले बढेर बन्द भएको छ । आज नेप्से परिसूचक १४ अंकले बढेर २,५९० को विन्दुमा कायम भएको छ । आज १९५ कम्पनीको शेयर मूल्य बढेको छ भने ६० कम्पनीको शेयर मूल्य घटेको छ ।
आज दिनभरिमा ३६२ कम्पनीको ८४ लाख ६९ हजार कित्ता शेयर किनबेच हुँदा ४ अर्ब १७ करोड माथिको शेयर कारोबार भएको छ । आज सबैभन्दा धेरै हिमालयन बैंक डिबेञ्चर २०८३ को कारोबार भएको छ । आज यसको ४४ करोड १० लाख रुपैयाँको कारोबार भएको छ । आरबीबीएल डिबेञ्चर २०८८ को ३३ करोड २० लाख रुपैयाँको कारोबार भएको छ । एनआइसी एशिया डिबेञ्चरको २१ करोड ८९ लाख रुपैयाँको कारोबार भएको छ ।
आज सबैभन्दा धेरै एनएमबि डिबेञ्चरका इकाईधनीले कमाएका छन् । आज यसका इकाईनीले ९ दशमलव २० प्रतिशतका दरले कमाएका हुन् । नारायणी डेभलपमेन्ट बैंकका लगानीकर्ताले ८ दशमलव ४० प्रतिशतका दरले कमाएका छन् । सागर डिष्टिलरीका लगानीकर्ताले ६ दशमलव ६७ प्रतिशतका दरले कमाएका छन् ।
आज सबैभन्दा धेरै उपकार लघुवित्तका लगानीकर्ताले गुमाएका छन् । आज यसका लगानीकर्ताले ७ दशमलव ३२ प्रतिशतका दरले गुमाएका हुन् ।
