अमेरिका । गत अप्रिल २६ मा ह्वाइट हाउसले पत्रकारहरूका लागि आयोजना गरेको डिनर कार्यक्रम बाहिर गोली चलाएका ३१ वर्षीय क्यालिफोर्निया (टोरन्स) निवासी कोल एलेन कम्प्युटर वैज्ञानिक रहेको खुलेको छ ।
उनको लिंकडेन प्रोफाइल तथा अन्य अनलाइन अभिलेख अनुसार, एलेनको शैक्षिक र व्यावसायिक पृष्ठभूमि उल्लेखनीय देखिएको छ । उनी कम्प्युटर वैज्ञानिक, इन्जिनियर तथा स्वतन्त्र गेम डेभलपरका रूपमा परिचित थिए ।
आरोपित एलेनको प्रोफाइल अनुसार, उनले सन् २०१३ सेप्टेम्बरमा क्यालिफोर्निया इन्स्टिच्युट अफ टेक्नोलोजी (क्याल्टेक) मा मेकानिकल इन्जिनियरिङमा स्नातक अध्ययन सुरु गरी सन् २०१७ मा पूरा गरेका थिए । क्याल्टेक ले फक्स न्यूज डिजिटल लाई दिएको जानकारी अनुसार, कोल एलेन ले सन् २०१७ मा उक्त संस्थाबाट स्नातक गरेका थिए ।
सन् २०१४ को गर्मी याममा उनले नासा जेट प्रणोदन प्रयोगशाला मा समर अन्डरग्रेजुएट रिसर्च फेलोका रूपमा कार्य गर्दै खगोल भौतिक सम्बन्धी अनुसन्धानमा योगदान दिएको उल्लेख छ ।
त्यही अवधिमा उनले 'गतिको पहिलो नियम' खेल निर्माण गरेका थिए, जुन भौतिकशास्त्रमा आधारित दुई आयामिक अन्तरिक्ष युद्ध अवधारणामा केन्द्रित रहेको बताइएको छ । क्याल्टेकमा अध्ययनकै क्रममा उनले आक्रमण तथा रक्षात्मक रोबोटिक प्रणालीहरू समेत विकास गरेका थिए र पछि उनले Bohrdom नामक जटिल २– म् भौतिकशास्त्रमा आधारित भिडियो गेम विकास गरे, जसलाई उनले स्व–चालित पिनबलहरू द्वारा अनुभव गरिने 'बुलेट हेल' र 'रेसिङ गेम' को संयोजन का रूपमा वर्णन गरे । उक्त खेल लोकप्रिय गेमिङ प्लेटफर्म Qmeam मा समेत थियो ।
ट्रम्प बोलिरहेका मानिसहरुको हलचल सुरु भएपछि उनी बोल्दाबोल्दै रोकिएका थिए । त्यसपछि केही पड्किएको आवाज सुनिएको थियो । घटनाको केही समयपछि एक वक्ता मञ्चमा आएर डिनर कार्यक्रम पुनः सुरु हुने घोषणा गरेका थिए ।
स्रोत : फक्स न्युज ।
