काठमाण्डौ । सानिमा जिआइसी इन्स्योरेन्स लिमिटेडले संस्थापक समूहतर्फको सेयर बिक्रीमा ल्याएको छ । कम्पनीले संस्थापक सेयरधनी अस्विन कार्कीको नाममा रहेको ७ हजार ७३२ कित्ता सेयर बिक्री गर्न प्रक्रिया अघि बढाएको हो ।
कम्पनीले बिक्रीमा ल्याएको उक्त सेयर विद्यमान संस्थापक सेयरधनी, जुनसुकै व्यक्ति वा संघसंस्थाले आवेदन दिन सक्नेछन् ।
कम्पनीले उक्त सेयरको न्यूनतम मूल्य १५० रुपैयाँ तोकेको छ । इच्छुक आवेदकले सो वा सो भन्दा बढी मूल्य राखेर बोलपत्र पेश गर्न सक्नेछन् । साथै आवेदकले न्यूनतम १ हजार कित्ताका लागि आवेदन दिनुपर्नेछ ।
इच्छुक आवेदकले यहि चैत ११ गतगेदेखि चैत १९ गतेसम्म गोप्य शिलबन्दी बोलपत्र पेश गर्न सक्नेछन् । बिक्री प्रबन्धक सानिमा क्यापिटल लिमिटेडको कार्यालय नक्साल काठमाण्डौमा बोलपत्र पेश गर्न सकिने कम्पनीले जनाएको छ ।
