काठमाडौं । सिजीले गर्मीलाई लक्षित गरी ‘फ्रस्टलाइन’ बजारमा ल्याएको छ । कम्पनीले नयाँ वार्षिक अभियान ‘एक्सपेरिएन्स लाइफ विद सीजी’अन्तर्गत यो नयाँ सिरिज सार्वजनिक गरेको हो ।
कम्पनीका अनुसार डेजर्ट कुलर पोर्टफोलियोमा बिल्कुलै नयाँ फ्रस्टलाइन रेन्ज थप गरेको छ । यसका प्रमुख आकर्षणहरू यस प्रकार छन् :
विशाल ट्याङ्की ( फ्रस्टलाइन ११० लिटर & ९५ लिटर): बजारमा उपलब्ध कुलरहरूमध्ये सबैभन्दा ठूलो क्षमता, जसले पटक–पटक पानी भर्ने झन्झटलाई सदाका लागि अन्त्य गर्दछ।
मिड–रेन्ज मास्टर ( फ्रस्टलाइन ७५ लिटर & ५५ लिटर ): सानो र मध्यम कोठाहरूमा शक्तिशाली कुलिङका साथै कम बिजुली खपत गर्ने पारिवारिक रोजाइ।
सीजीले डेजर्ट कुलर, कमर्सियल कुलर, पर्सनल कुलर, टावर कुलर र विन्डो कुलर गरी ५ विधामा कुल २८ वटा मोडलहरू बजारमा ल्याएको छ । यी कुलरहरू २२ लिटरदेखि १२५ लिटर सम्मको विशाल क्षमताका रहेका कम्पनीले जनाएको छ । यस वर्ष डेजर्ट कुलरमा थपिएको नयाँ फ्रस्टलाइन रेन्जले सीजीको कुलर पोर्टफोलियोलाई अझै मजबुत र पूर्ण बनाएको कम्पनीको दाबी छ ।
मुख्य प्रविधि र विशेषताहरू
डबल बल बेरिङ मोटर : शक्तिशाली र टिकाउ मोटर जसले लामो समयसम्म बिना कुनै अवरोध शान्त र प्रभावकारी कुलिङ प्रदान गर्दछ ।
आइस च्याम्बर : थप चिसो हावाका लागि विशेष बरफ राख्ने सुविधा ।
एड्भान्स्ड हनीकम्ब प्याड : उच्च घनत्व भएको प्याडले लामो समयसम्म चिसोपन कायम राख्छ ।
शक्तिशाली एयर थ्रो : कोठाको प्रत्येक कुनासम्म चिसो हावा पुर्याउने उच्च गतिको फ्यान ।
