काठमाडौं । सूर्योदय वोमी लघुवित्त वित्तीय संस्थाले संस्थापक शेयर बिक्री गर्ने भएको छ । संस्थाका संस्थापक शेयरधनी मनोज बस्नेतले आफ्नोनाममा रहेको ३ हजार कित्ता शेयर बिक्रीका लागि स.स्थामा निवेदन पेश गरेअनुसार उक्त शेयर बिक्रीमा ल्याएको हो ।
राष्ट्र बैंकको निर्देशन अनुसार संस्थापक शेयर बिक्री गर्दा पहिलो प्राथमिकता संस्थापक शेयरधनीहरुलाई नै दिनुपर्ने भएकाले उक्त शेयरमा संस्थापक शेयरधनीहरुले आवेदन दिन सक्नेछन् । शेयर खरिद गर्न इच्छुक संस्थापक शेयरधनीहरुले सूचना प्रकाशित भएको मितिले ३५ दिनभित्र संस्थाको कर्पोरेट कार्यालय ललितपुरमा वा शेयर रजिष्ट्ररको कार्यालय कुमारी क्यापिटलमा आवेदन दिनुपर्नेछ ।
संस्थाले तोकिएको यस अवधिभित्र शेयर खरिदका लागि संस्थाक शेयरधनीहरुबाट कुनै पनि आवेदन नपरेमा अन्य व्यक्ति वा संस्थाका लागि शेयर बिक्री गरिने जनाइएको छ ।
