काठमाण्डौ । सानिमा बैंक लिमिटेडको प्रमुखकार्यकारी अधिकृत(सीईओ)मा पवन कुमार आचार्य नियुक्त भएका छन् । कात्तिक २४ गते दिनको साढे ४ बजे बसेको बैंकको सञ्चालक समितिको बैठकले आचार्यलाई सीईओ नियुक्त गर्ने निर्णय गरेको हो ।
आचार्य हाल बैंकमा नायब प्रमुख कार्यकारी अधिकृतको रुपमा कार्यरत छन् । उनलाई आगामी माघ १२ गतेदेखि लागू हुनेग्री सीईओ पदको जिम्मेवारी दिने निर्णय भएको बैंकले जनाएको छ । उनको कार्यकाल ४ वर्षको हुनेछ ।
बैंकको हालका सीईओ निश्चलराज पाण्डेको कार्यकाल आगामी माघ ११ गतेबाट समाप्त हुँदैछ ।
