काठमाडौं । नेपाली बजारमा सुनको मूल्यमा गिरावट आएको छ । नेपाल सुनचाँदी व्यवसायी महासंघले आज सुन तोलामा ३ हजार ३ सय रुपैयाँले घटेर २ लाख ९२ हजार रुपैयाँमा कारोबार भइरहेको जनाएको छ ।
मंगलबार छापावाल सुनको मूल्य प्रतितोला २ लाख ९५ हजार ३ सय रुपैयाँमा किनबेच भएको थियो ।
यस्तै, आज चाँदी तोलामा १२५ रुपैयाँ घटेर ४ हजार ९ सय ६० रुपैयाँमा खरिदबिक्री भइरहेको छ । मंगलबारको चाँदी प्रतितोला ५ हजार ८५ रुपैयाँमा कारोबार भएको थियो ।
