काठमाडौं । जीवन विकास लघुवित्त वित्तीय संस्थाले आर्थिक वर्ष २०८१।८२ का लागि लाभांश घोषणा गरेको छ।
संस्थाको सञ्चालक समितिको आज दिउँसो बसेको बैठकले उक्त आर्थिक वर्षको वितरणयोग्य मुनाफाबाट शेयरधनीहरुलाई हाल कायम चुक्तापुँजी १ अर्ब ५३ करोड ६१ लाख ७१ हजार ५४६ रुपैयाँको कुल १४.७४ प्रतिशतले हुन आउने लाभांश वितरण गर्ने निर्णय गरेको हो। जसमा १४ प्रतिशतले हुन आउने २१ करोड ५० लाख ६४ हजार १६ रुपैयाँबराबरको बोनस शेयर र कर प्रयोजनार्थ ०.७४ प्रतिशतले हुन आउने १ करोड १३ लाख १९ हजार १६१ रुपैयाँबराबरको नगद लाभांश रहेका छन्।
प्रस्तावित लाभांश नेपाल राष्ट्र बैंकको स्वीकृतिपछि आगामी सातौँ वार्षिक साधारणसभाबाट अनुमोदन गरी शेयरधनीहरुलाई वितरण गरिने संस्थाले जनाएको छ।
