काठमाडौं । नेपाली बजारमा आज सुन चाँदीको भाउमा भारी गिरावट आएको छ । नेपाल सुनचाँदी व्यवसायी महासंघका अनुसार आज सुनको भाउ तोलामा ९ हजार ५ सय रुपैयाँले घटेको छ।
यससँगै आज सुन प्रतितोला ३ लाख ९ हजार रुपैयाँ कायम भएको छ। गत शुक्रबार सुन प्रतितोला ३ लाख १८ हजार ५ सय रुपैयाँमा कारोबार भएको थियो।
आज चाँदीको भाउ पनि घटेको छ । आज चाँदी तोलामा १८५ रुपैयाँले घटेको हो । यससँगै आज चाँदीको भाउ तोलामा ४ हजार ७८० रुपैयाँ कायम भएको छ। गत शुक्रबार चाँदी तोलाको ४ हजार ९ सय ६५ रुपैयाँमा किनबेच भएको थियो।
