काठमाडौं । नेपाली बजारमा आज शुक्रबार भने सुन चाँदीको भाउ बढेको छ। लगातार ४ दिन घटेको सुन चाँदीको भाउ आज भने वृद्धि भएको हो । नेपाल सुनचाँदी व्यवसायी महासंघका अनुसार आज सुनको भाउ तोलामा २७ सय रुपैयाँले बढेको हो।
यससँगै प्रतितोला सुन २ लाख ८७ हजार ४ सय रुपैयाँ कायम भएको छ। हिजो सुन प्रतितोला २ लाख ८४ हजार ७ सय रुपैयाँमा किनबेच भएको थियो।
यता, आज चाँदीको भाउ पनि बढेको छ । आज चाँदी तोलामा तोलामा १७० रुपैयाँले बढेको छ । यससँगै आज चाँदी तोलामा ४ हजार ५१० सय रुपैयाँ कायम भएको छ। हिजो चाँदी ४ हजार ३४० रुपैयाँमा कारोबार भएको थियो।
