काठमाडौं । स्न्याक्स एन्ड नुडल्स कम्पनीले आइतबारदेखि १ सय २० ग्राम तौलको नयाँ तथा ठुलो प्याकेट गज्जबको पिरो चाउचाउ ५० रुपैयाँमा बजारमा उपलब्ध गराएको छ ।
लामो समयदेखि आफ्ना विभिन्न ब्रान्डका उत्कृष्ट चाउचाउ उत्पादनमार्फत नेपाली तथा विदेशी बजारका उपभोक्तामाझ सेवा पु¥याउँदै आएको सिद्धि विनायक स्न्याक्स एन्ड नुडल्स प्रालिको उत्पादनमध्ये ‘गज्जबको पिरो’ चाउचाउ एक हो ।
यो चाउचाउ नेपाली तथा अन्तर्राष्ट्रिय बजारमा निकै लोकप्रिय बनेको कम्पनीले जनाएको छ । हालसम्म गज्जबको पिरो चाउचाउ प्रतिप्याकेट २० रुपैयाँमा उपलब्ध हुँदै आएको थियो ।
यस नयाँ प्याकेटमा उपभोक्ताले स्वादिष्ट कोरियन किम्ची स्वादका अतिरिक्त आनन्द लिन सक्ने कम्पनीको दाबी छ । कम्पनीका अनुसार यो उत्पादन अहिले बजारमा पाइने अन्य चाउचाउभन्दा अझ उत्कृष्ट, परिष्कृत र उपभोक्तामुखी छ ।
