काठमाडौं– सरकारले प्रस्तुत गरेको नीति तथा कार्यक्रम र राष्ट्र बैंकले तेस्रो मौद्रिक नीतिको समीक्षा गरेसँगै शेयर बजारमा उछाल आएको छ । सोमबार नेपाल स्टक एक्जेञ्ज (नेप्से) २७.५४ अंकले बढेको छ ।
आज नेप्से १.३३ प्रतिशतले बढेर २०९२ विन्दु कायम भएको छ । आज नेप्सेले २१०० विन्दु पनि पार गरेको छ । तर नेप्से बन्द हुँदा भने नेप्से करिब २१०० विन्दु मात्र कायम भएको आज साढे ५ अर्ब भन्दा बढीको कारोबार भएको छ । सोमबार ५ अर्ब ८५ करोड ४३ लाख ५४ हजार रुपैयाँ बराबरको १ करोड ४३ लाख ७० हजार ६८९ कित्ता शेयर ८० हजार ९८२ पटक किनबेच भएको छ ।
आज ३१५ कम्पनीको शेयर कारोबार हुँदा १३४ वटा कम्पनीको शेयर मूल्य बढेको छ भने १०७ कम्पनीको शेयर मूल्य घटेको छ । ५ वटा कम्पनीको शेयर मूल्य भने स्थिर रहेको छ ।
सेन्सेटिभ इन्डेक्स ७.१३ अंकले, फ्लोट इन्डेक्स २.११ अंकले र सेन्सेटिभ फ्लोट इन्डेक्स २.८० अंकले बढेको छ । आज १३ उपसमूहमध्ये ८ समूहको शेयर मूल्य बढेको छ भने ५ समूहको शेयर मूल्य घटेको छ ।
आज सबैभन्दा बढी वाणिज्य बैंकमा लगानीकर्ता बढी खरिद गरेका छन् भने निजीवन बीमाका लगानीकर्ताले बढी बेचेका छन् । आज वाणिज्य बैंक समूह ४५.२० अंकले बढेको छ भने निर्जीवन बीमा ५६.०९ अंकले घटेको छ ।
सोमबार सामुदायिक लघुवित्त, बुद्ध भूमि नेपाल हाइड्रोपावर र भगवती हाइड्रोपावर र नेरुडे मिरमिरे लघुवित्तको शेयर १० प्रतिशतले बढेर सकारात्मक सर्किट लागेको छ ।
एनआईसी एशिया बैंकको शेयर मूल्य पनि ९.०६ प्रतिशतले बढेको छ । आज सबैभन्दा बढी उपकार लघुवित्तको शेयर घटेको छ । उपकारको शेयर ७.४० प्रतिशतले घटेको छ ।
