काठमाडौं । रिज लाइन इनर्जीको आइपीओ बाँडफाँट गरिएको छ। धितोपत्र बिक्री प्रबन्धक प्रभु क्यापिटलको कार्यालयमा आज बिहान यो आइपीओ बाँडफाँट गरिएको हो।
कम्पनीले गत माघ २८ गतेदेखि फागुन ४ गतेसम्म सर्वसाधारणलाई ११ लाख ८० हजार २६० कित्ता आइपीओ बिक्री खुला गरेको थियो। यो आइपीओमा २७ लाख २३ हजार ९१४ आवेदकबाट ३ करोड ४ लाख ४२ हजार ४२० कित्ता शेयर माग भएको थियो।
कुल आवेदकमध्ये २५ लाख ३७ हजार ३०१ आवेदकबाट माग भएको २ करोड ७१ लाख ३२ हजार २३० कित्ता शेयर सदर भएको थियो। जसअनुसार विभिन्न कारणले १ लाख ८६ हजार ६१३ आवेदकबाट माग भएको ३३ लाख १० हजार १९० कित्ता शेयर बदर भएको थियो।
मागभन्दा बढी आवेदन परेका कारण यो आइपीओ पनि गोलाप्रथाबाट बाँडफाँट गरिएको छ। जसमा भाग्यमा १ लाख १८ हजार २६ आवेदकले १० कित्ताका दरले शेयर पाएका छन्।
सदर आवेदकमध्ये २४ लाख १९ हजार २७५ आवेदकको हात खाली भएको छ।
यो आइपीओको अन्तिम नतिजा केहीबेरमा सार्वजनिक हुनेछ। अन्तिम धितोपत्र बिक्री प्रबन्धक प्रभु क्यापिटलका साथै सीडीएससीको मेरो शेयर र iporesult.cdsc.com.np मा हेर्न सकिने छ।
