काठमाडौं । आज अंग्रेजी नयाँ वर्ष २०२६ को पहिलो दिन शेयर बजार दोहोरो अंकले घटेर बन्द भएको छ । आज नेप्से परिसूचक १२ दशमलव ८३ अंकले घटेर २,६२० को विन्दुमा कायम भएको छ । आज ६३ कम्पनीको शेयर मूल्य बढेको छ भने १८९ कम्पनीको शेयर मूल्य घटेको छ ।
आज दिनभरिमा ३३६ कम्पनीको १ करोड १ लाख ५३ हजार २२६ कित्ता शेयर किनबेच हुँदा ४ अर्ब ७१ करोडको शेयर कारोबार भएको छ ।

आज सबैभन्दा धेरै एसवाई प्यानलको शेयर कारोबार भएको छ । आज यस कम्पनीको २३ करोड ४१ लाख रुपैयाँको शेयर कारोबार भएको छ । शिवम् सिमेन्टको १३ करोड ८० लाख रुपैयाँको शेयर कारोबार भएको छ । बुटवल पावर कम्पनीको १२ करोड २३ लाख रुपैयाँको शेयर कारोबार भएको छ ।