आकाठमाडौं । गत बैशाख १९ गतेदेखि काठमाडौं महानगरपालिकाले आयोजना गरेको सीप मेलामा आवश्यकभन्दा बढी आवेदन परेपछि विद्यालय र क्याम्पससँगको सहकार्यमा तालिम उपलब्ध गराउने भएको छ।
काठमाडौं महानगरपालिकाले २०८१ को शुभारम्भसँगै २ हजार ८१ जनालाई सीपमूलक तालिम दिएर ‘स्वरोजगार’, ‘रोजगार’ र ‘अन द जब ट्रेनिङ’ उपलब्ध गराउने लक्ष्य लिएको थियो। तोकिएको सङ्ख्याभन्दा बढी आवेदन परेपछि शैक्षिक संस्थासँग सहकार्य गरेर तालिम उपलब्ध गराउने योजना रहेको काठमाडौं महानगरपालिकाले जनाएको छ।
काठमाडौं महानगरपालिका सामाजिक विकास विभाग निमित्त प्रमुख विमला कोइरालाले भने, ६० हजार बढीले आवेदन दिएका छन्। अवेदन परेकामध्येबाट छनोट गरेर वा कागजात पूरा भएका नागरिकलाई काठमाडौं महानगरपालिकाले भनेअनुसारको तालिम उपलब्ध गराउँछौँ। उनका अनुसार महानगरले आवश्यकता आधारमा क्याम्पस र विद्यालयसँग सम्झौता गरिसकेको छ।
फाराम भरेकामध्येबाट दुई हजार ८१ जनालाई तत्काल तालिम दिने र अन्यलाई आवश्यकताका आधारमा आगामी तीन वर्षभित्र तालिम दिइने कोइरालाले जानकाकाठमाडौं महानगरपालिकाको गौरव योजनाअन्तर्गत ‘रोजगारी र आयमा वृद्धि, काठमाडौंको समृृद्धि’ अन्तर्गत सीप मेला सुरु गरेको हो। मेलाका लागि महानगरले नेपाल तालिम तथा रोजगारी व्यवसायी महासंघसँग सहकार्य गरेको जनाएको छ।
मेलाबाट १० क्षेत्रका ३६ पेसासम्बन्धी तालिम दिने लक्ष्य राखिएको विभाग निमित्त प्रमुख कोइरालाले बताए। उनका अनुसार मेलाले छरिएर रहेका सीपलाई एकीकृत गर्ने, सीप भएका व्यक्तिलाई रोजगारदाताको पहुँचमा पुर्याउन मद्दत गर्ने छ।
कोइरालाका अनुसार गत बैशाख १९ गते सुरु भएको ‘सीप मेला’ अन्तर्गत १५ दिन अवधिका पहिलो चरणका तालिम सकिएका छन्। अहिले ती कक्षाहरु दोस्रो चरणमा सञ्चालन भइरहेका छन्।
ुपहिलो चरणमा एक हजार पाँच सय ७७ जनाका लागि तालिमको कोटा थियोु, उनले भने, ुयसमध्ये एक हजार पाँच सय पाँच जना तालिममा सहभागी हुनुभएको छ । यही जेठ ६ गतेदेखि १५ दिन अवधिका दोस्रो चरणका कक्षा सुरु भएका छन्।ु
कोइरालाका अनुसार १० क्षेत्रका ३० पेसासँग सम्बन्धित सीप तालिममा समावेश गरिएका छन्। अटो इलेक्ट्रिक, इलेक्ट्रिक कार ९इभी०, डकर्मी, टाइल एण्ड मार्बल फिटिङ, इलेक्ट्रिसियन, प्लम्बिङ, रेफ्रिजेरेसन एण्ड एसी टेक्निसियन र आर्ट एण्ड स्कप्चर ३० दिन अवधिका हुन्।
नेपाल तालिम तथा रोजगार व्यवसायी महासंघ, नेपाल चेबर अफ कमर्स, नेपाल उद्योग वाणिज्य महासंघलगायत विभिन्न निजी क्षेत्रहरुले सीपमेलाबाट उत्पादन भएका जनशक्तिलाई कामको प्रकृति हेरेर रोजगार दिने जनाएका छन्।
