काठमाण्ठौ । जन जन्नी बचत तथा ऋण सहकारी संस्था धारापानी, धनुषाको आयोजना र शुभ स्वस्तिक हस्पिटल प्रालि बर्दिबास महोत्तरीको प्राविधिक सहयोगमा सहकारीको कार्यालय धारापनीमा जेठ २५ गते शुक्रवार निःशुल्क स्वास्थ्य शिविर सञ्चालन गरिएको छ ।
उक्त स्वास्थ्य शिविरमा स्त्री रोग, हाड तथा नसा रोग, दन्त रोग, जेनरल स्वास्थ्य र जेनरल सर्जरी सम्वन्धी जाँच गरिएको र सुगरको निःशुल्क ल्याब परिक्षण गरिएको थियो । सहकारीद्धारा आयोजित निःशुल्क स्वास्थ्य शिविरमा धारापानी आसपासका करिब २४० जना विरामीको स्वास्थ्य परिक्षण गरिएको सहकारीका अध्यक्ष रेशम प्रसाद वास्तोलाले जानकारी गराए ।
स्वास्थ्य शिविरमा समाजसेवी मोहन कुमार बरालले सुगर जाँचको किट खरिद गरि सहयोग गरेका थिए भने चन्द्रमोद साहले भोजनको व्यवस्थापन र चिकित्सक शंकर महतोले पिउने पानी व्यवस्थापन तथा औषधीमा विशेष छुट दिई सहयोग गरेका थिए ।
