काठमाण्डौ । सिटिजन्स बैंक इन्टरनेसनल लिमिटेडले विश्वकै प्रतिष्ठित ‘बैंक अफ द ईयर 2025’ अवार्ड प्राप्त गर्दै लगातार दोस्रो वर्ष अन्तर्राष्ट्रिय स्तरको सम्मान हात पारेको छ। बेलायतस्थित द फाइनान्सियल टाइम्स समूहले डिसेम्बर ३ मा लन्डनमा आयोजना गरेको विशेष समारोहमा सिटिजन्स बैंकलाई यो अवार्ड प्रदान गरेको हो।
समारोहमा बैंकका सञ्चालक समितिका अध्यक्ष प्रवलजंग पाण्डे र प्रमुख कार्यकारी अधिकृत गणेश राज पोखरेलले संयुक्त रुपमा पुरस्कार ग्रहण गर्नुभएको थियो। यसअघि पनि बैंकले ‘बैंक अफ द ईयर 2024’ प्राप्त गरिसकेको थियो, जसले सिटिजन्स बैंकलाई लगातार दुई वर्ष विश्व स्तरको मान्यता दिलाएको छ।
कार्यक्रममा १२५ भन्दा बढी देशका बैंकका अध्यक्ष, सीईओसहित करिब ४०० प्रतिनिधिहरूको उपस्थिति थियो।
