काठमाण्डौ । नबिल बैंक लिमिटेडले संस्थापक सेयर बिक्रीमा राखेको छ । बैंकले आजदेखि १ लाख २५ हजार कित्ता संस्थापक सेयर बिक्रीमा राखेको हो ।
यो सेयर खरिदका लागि बैंकका विद्यमान संस्थापक सेयरधनीले मात्रै आवेदन दिन सक्नेछन् ।
संस्थापक सेयरधनीहरुले सूचना प्रकाशित भएको ३५ दिनभित्र दरबारमार्ग, तीनधारामा रहेको बैंकको केन्द्रीय कार्यालयमा आवेदन दिनु पर्नेछ ।
सेयरको मूल्य ३०१.१० रुपैयाँ तोकिएको छ । निर्धारित मितिभित्र आवेदन नआएमा अन्य व्यक्ति तथा कम्पनीका लागि उक्त सेयर बिक्री गरिने बैंकले जनाएको छ ।
