सहकारी ठगीको छानबिन गर्न सूर्य थापाको संयोजकत्वमा ७ सदस्यीय समिति गठन

काठमाडौं । सहकारी ठगीसम्बन्धी विषयमा छानबिन गर्न नेकपा एमालेका सांसद सूर्यबहादुर थापाको संसदीय छानबिन समिति गठन भएको छ। सात सदस्यीय सहकारी संस्था बचत रकम संसदीय छानबिन विशेष समिति गठन भएको हो।

समितिमा एमालेकी सरिता भुसाल, कांग्रेसबाट ईश्वरी न्यौपाने र बद्री पाण्डे, माओवादीबाट लेखनाथ दाहाल, रास्वपाबाट शिशिर खनाल र राप्रपा ध्रुवबहादुर प्रधान सदस्य छन्। समितिको क्षेत्राधिकार तोक्न गठित कार्यदलले मंगलबार दिउँसो ४ बुँदे कार्यादेश तय गरेको थियो। साथै समितिलाई ३ महिनाभित्र छानबिन गरी प्रतिवेदन पेस गर्न समय तोकिएको छ।